Rama: Biznesi të punësojë personat me ndihmë ekonomike, ndihma të kalojë si pagesë

Një skemë e cila do të kërkojë bashkëpunimin e biznesit me qeverinë do t’u vijë në ndihmë individëve nga familjet në nevojë.

Ideja është hedhur nga kryeministri Edi Rama, i cili kërkon që biznesi të marrë në punë këta persona, ndërsa pagesa të ndahet mes shtetit dhe privatit.

“Duam të lidhim biznesin e vogël, pse jo edhe të madhin me ndihmën ekonomike dhe të kërkojmë nga biznesi aleancë për të punësuar njerëz që janë me ndihmë ekonomike, duke ia kaluar si pjesë të pagës ndihmën ekonomike”, u shpreh kryeministri Rama gjatë prezantimit të paketës fiskale dhe mbështetjes nga buxheti 2022 për bizneset, së bashku me ministren e Financave Delina Ibrahimaj.