‘Rruga e vdekjes’, banorët e fshatit në Korçë thirrje për ndërtimin e një nënkalimi

Një ceremoni sensibilizuese është zhvilluar në rrugën nacionale pranë fshatit Plasë, Korçë ku banorët dhe policia rrugore, kanë mbajtur një minutë heshtje në kujtim të viktimave të aksidenteve rrugore.

Banorët e kanë quajtur “rruga e vdekjes” për shkak të aksidenteve të shumta që ndodhin, sipas tyre për shkak të mungesës së një nënkalimi.

Në anë të rrugës dallohen lapidarët, në kujtim të viktimave të aksidenteve.

“Është shumë e rrezikshme kjo rrugë. Kanë ndodhur aksidente me vdekje këtu. Jemi shumë të rrezikuar këtu, duhet të rrish me orë këtu që të kalosh nga ana tjetër,” – u shpreh një banor.

“Është shumë i rrezikshëm, 99% është i rrezikshëm. Duhet të kishte një urë kalimi poshtë si për këmbësorët, ashtu edhe për automjetet, sidomos për ne që punojmë fshatrave. Duhet të jenë me vete automjetet bujqësore e të tjerët me vete,” – u shpreh dikush tjetër.

Gjatë 10 muajve të fundit kanë ndodhur 49 aksidente, 8 të vrarë, 5 të plagosur e 49 të plagosur lehtë.

Ne nëntor kanë ndodhur 3 aksidente, 1 i plagosur rëndë e 2 lehtë.

Vitin e kaluar ka pasur 62 aksidente, 5 të vrarë, 16 të plagosur rëndë, 59 lehtë.

LEXONI GJITHASHTU:

• Shtohen aksidentet rrugore në Shqipëri, 13.4% më shumë se në vitin 2020
• Autobusi del nga rruga në Gramsh, një i vdekur dhe nëntë të plagosur
• Del nga rruga një makinë në Pogradec, humb jetën pasagjeri