Policia arreston 2 persona për vjedhje dhe armëmbajtje pa leje në Lezhë

Policia në Lezhë në bashkëpunim me “Shqiponjat” ka arrestuar dy persona për vjedhje dhe armëmbajtje pa leje, ndërsa ka proceduar një tjetër shtetas në gjendje të lirë.

Ndalimi i shtetasve të dyshuar është bërë në afërsi të një vile, brenda një automjeti.

Gjatë kontrollit të automjetit me drejtues shtetasin J.B. dhe pasagjerë L.Xh., e L.Gj., policia gjeti dhe sekuestroi një armë zjarri automatik, 90 fishekë dhe sende të dyshuara të vjedhura.

Dyshohet se tre shtetasit kanë kryer disa vjedhje nëpër banesa në Lezhë.

Prokuroria e Lezhës do ta hetojë çështjen më në thellësi, ndërsa vijojnë kontrollet nga policia në të gjithë qarkun.