Meta homazhe pranë shtatores të Azem Hajdarit: Ta kthejmë Shqipërinë në shinat e demokracisë

“Ta bëjmë Shqipërinë si gjithë Europa,  ta kthejmë në shinat e vërteta të demokracisë, lirisë dhe të garantojmë të ardhmen europiane të vendit”.

Kështu deklaroi presidenti Ilir Meta pas homazheve të bëra në shtatoren e Azem Hajdarit në “Qytet Studenti” në Ditën e Rinisë, 8 dhjetorin.

“Jam këtu për të nderuar lëvizjen studentore, në mënyrë të veçantë heroin e demokracisë, Azem Hajdarin që pati një rol kyç, vullkanizues, në ato momente kritike të Shqipërisë dhe  të gjithë ata studentë që dhanë jetën për lirinë”, tha kreu i shtetit.

Presidenti nuk komentoi kampet e krijuara në PD. “Nuk jam këtu për t’u marrë me çështje të tilla”, u shpreh Meta.

Sot është Dita Kombëtare e Rinisë. Kjo datë përkujtohet si festë kombëtare në nderim të të gjithë studentëve të dhjetorit 1990 dhe gjithë rinisë shqiptare.

Më 8 dhjetor 1990, një grup studentësh e pedagogësh të Universiteteve të Tiranës, u bënë iniciatorë e protagonistë të kthesës së madhe historike, protestave paqësore që sollën rënien e sistemit komunist dhe lindjen e demokracisë.

LEXONI GJITHASHTU:

• Rama uron 8 Dhjetorin: Në 2022, Tirana Kryeqyteti Europian i Rinisë