‘Destinacion’ bën një udhëtim në traditën e verës shqiptare

‘Destinacion’ ndërmori një udhëtim fantastik në traditën e verës shqiptare, i cili prodhohet nga rrushi autokton shqiptar.

Një kantinë e veçantë vere është ajo e quajtur “Çobo”, e cila ndodhet në trekëndëshin e rrugës ku shkohet për në Urën Vajgurore, në Berat, si edhe në Fier.

Në Malas-breg, në majë të kodrës janë mbjellë 20 mijë rrënjë rrushi të varietetit autokton Vlosh për verën Çobo. Hardhiat mbahen me boshet prej druri të gështenjës dhe nga një rrënjë prodhohet vetëm një shishe verë.

Një tjetër vreshtë e kësaj kantine ndodhet në Malinat. Vreshta është pozicionuar në një vend fantastik me pamje nga mali i Tomorit dhe poshtë gjarpëron Osumi. Dielli e rreth që në lindje e deri pasdite, ndërsa toka, sipas analizave të bëra, është shumë e përshtatshme për vreshtari. Aty janë mbjellë 28 hektarë vreshta.

Verërat Çobo mund të shijohen edhe në restorantin Shendeverë, në kalanë e Tiranës. Aty serviret ushqim bio, i shoqëruar me verën Çobo. Kryekuzhinieri ka 30 vjet eksperiencë në gatim dhe thotë se synimi i tij është që cilësia e pjatave të jetë në lartësinë e cilësisë së verës.

LEXONI GJITHASHTU:

• Malëshova, fshati piktoresk me arkitekturë të rrallë në Këlcyrë
• Destinacion viziton Tropojën e Vjetër, në stinën e artë të  vjeshtës
• ‘Destinacion’ zbulon magjinë e Malit me Gropa, kështjella ujëshpërndarëse e Tiranës