Manjani: Nëse ’11 Dhjetori’ rezulton i suksesshëm, s’mund të ketë Kuvend të dytë në PD

Ylli Manjani thotë se nëse Kuvendi Kombëtar i PD i thirrur më 11 dhjetor nëse rezulton i suksesshëm nuk ka vend për një Kuvend të dytë.

“Në qoftë se do të ketë një 11 dhjetor të suksesshme dhe do të vijnë 5 mijë vetë, etj, etj, nuk ka shans aritmetik që të ketë një Kuvend të dytë. Artimetikisht nuk funksionon kështu, mund të ketë një manipulim të dytë ndoshta”, tha Manjani.

Sipas tij vetë demokratët nuk duan një ndarje Basha-Berisha por duan një zgjidhje që të dy të vazhdojnë të japin kontribut brenda PD-së.

Blendi Çeka, studiues, thotë se ka një diferencë prej 20% në mbështetjen mes Berishës dhe Bashës.

Ai thotë se mesazhet e Bashës marrin mbështetje, por vetë si lider ai nuk gëzon të njëjtën mbështetje.

“Mesazhet e Bashës gjejnë mbështetje, por vetë ai gëzon këtë mbështetje dhe duket se nuk arrin ta kapitalizojë këtë mbështetje”, tha Çeka.

Sipas Elvis Iljazajt, kjo vjen për shkak se Basha ka qenë i tërhequr në këtë betejë.

“Basha ka përdor asimetrinë dhe vetëm kohët e fundit ka rritur tonin e deklaratave”, tha ai.

Jonida Shehu, të dy lehtësisht të atakueshëm për shkak të gabimeve të mëdha që kanë bërë si lidera dhe në drejtim të njëri-tjetrit.