Të zhdukurit gjatë komunizmit, OSBE: Shumë zhurmë, por asgjë

Prezenca e OSBE në Tiranë organizon një konferencë tre ditore mbi çështjen e të zhdukurve gjatë periudhës komuniste shqiptare.

Ambasadori Vincenzo Del Monaco vuri theksin tek fakti se mbi 600,000 persona janë zhdukur nga komunizmi dhe rastet kanë mbetur të pazgjidhura në këto 30 vite.

Shumë zhurmë për asgjë! – kështu i quan ambasadori i OSBE në Tiranë, Vincenzo Del Monaco,  veprimet e shtetit shqiptar këto 30 vjet për çështjen e të zhdukurve gjatë periudhës së komunizmit.

“Shumë herë vendi ka thënë se do të identifikojë dhe gjejë persona të zhdukur… gjithsesi deri më sot nuk është zgjidhur asnjë çështje e vetme”, tha ambasadori.

Kjo nuk i nxiti zyrtarët publik shqiptarë të tregojnë për planet e së ardhmes.

Ministri i Drejtësisë, Ulsi Manja, foli për arritjet e deritanishme. Të tillë quan përkufizimin e fjalës “person i zhdukur” në ligjin e 2020-ës.

“Në korrik 2020 miratuam ndryshime në ligjin për informimin mbi dokumentet e periudhës së diktaturës. Përkufizimi i fjalës person i zhdukur. Quheshin të përndjekur politik. Sot them se ka ardhur koha ta përcaktojmë konkretisht rolin e çdo institucioni dhe të koordinohemi”, tha ai.

Konferenca organizohet nga OSBE në Tiranë dhe Universiteti i Tiranës me mbështetje të qeverisë gjermane, në 13 deri në 15 dhjetor për të diskutuar drejtësinë tranzitore dhe përvojën e Shqipërisë.