E gjithë politika e Kosovës njëzëri kundër ‘Open Balkan’, thotë juristi

Bardhyl Hasanpapaj, jurist nga Kosova tha se spektri politik i Kosovës ka qenë i njëzëshëm kundër nismës Open Balkan, mes Shqipërisë, RMV dhe Serbisë.

Kjo sipas tij, pasi Kosova priste nga Shqipëria që të kushtëzonte nismat aktuale në Bashkimin Europian me Kosovën jo të ndërmerrte të tjera duke e përjashtuar atë.

Z. Hasanpapaj nënvizoi se problemi i vetëm qëndron tek Serbia, që nuk e njeh statusin e Kosovës si shteti i pavarur.

“Nuk pritej nga Kosova që Shqipëria të themelojë marrëdhënie edhe në emrin e Kosovës duke përjashtuar Kosovën. Ndërkohë që pritej që nismat aktuale, Shqipëria t’i kushtëzonte me Kosovën, ndërmerr iniciativa të reja duke përjashtuar Kosovë. Problemi është tek Serbia. Nuk është qëllimi i saj të ketë një iniciativë rajonale, sepse Kosova po hyn si pjesë e Serbisë jo si shtet anëtar”, tha z. Hasanpapaj