Vendet europiane ashpërsojnë masat anti-COVID në prag festash

Në kohën kur varianti Omicron po bëhet dominant, shumë shtete evropiane kanë vendosur të forcojnë masat kufizuese gjatë ditëve festive.

Kryeministri i Belgjikës Alexsandër De Croo u bën thirrje qytetarëve të tregojnë kujdes.  Nga kjo fundjavë në Belgjikë kinematë, sallat e koncerteve e të tjera ambiente do të mbyllen. Qytetarëve u kërkohet para festave që të testohen.

“Ne mund t’i festojmë së bashku Krishtlindjen, por ju kujtojmë që të keni kujdes maksimal.  Reduktoni numrin e personave në tryeze, mos u grumbulloni në grupe të mëdha, vetë testohuni përpara se të festoni së bashku Krishtlindjen, ajrosni ambientet e brendshme sa më shumë të mundeni”, u shpreh Alexander De Croo, kryeministër i Belgjikës.

Për shkak të frikës nga Omicron edhe Spanja rikthen detyrimin për të mbajtur maska në ambientet e jashtme.

“Masa më e rëndësishme për të përballuar këtë fazë të pandemisë është të përshpejtojmë procesin e vaksinimit, duke nxitur dozën e tretë.  Për t’u ardhur në ndihmë punonjësve shëndetësorë do të mobilizojmë 150 skuadra të lëvizshme të vaksinimit, në ndihmë vijnë forcat ushtarake”, u shpreh Pedro Sanchez, kryeministër i Spanjës.

Në Barcelonë qindra qytetarë protestuan duke kundërshtuar vaksinimin anti-covid. Ata mbanin në duar pankarta ku kërkonin që vaksinat të qëndrojnë larg fëmijëve.

Në luftën me pandeminë, Administrata Amerikane e Ushqimit dhe Barnave vendos të miratoi pilulën e Pfizer kundër COVID-19 për njerëzit mbi 12 vjeç që janë në rrezik të lartë.Pilula e quajtur Paxlovid, vërtetoi në  testime  se ishte e sigurt dhe zvogëloi me 88% rrezikun e shtrimeve në spital dhe vdekjeve.

LEXONI GJITHASHTU:

• Franca nis vaksinimin e fëmijëve 5-11 vjeç pas shtimit së rasteve me variantin Omicron
• Fushatat për rritjen e dozës anti-COVID nuk do t’i japin fund pandemisë, thotë OBSH