‘Nëse zgjedhjet mbahen sot PD nuk merr dot as 9% të votave’, thotë Gerti Shella

Gerti Shella, drejtues i Qendrës për Çështje të Informimit Publik thotë se në rast se sot do të kishim zgjedhje, Partia Demokratike do të merrte një rezultat zhgënjyes.

“Nëse zgjedhjet mbahen sot, PD nuk merr dot as 8 apo 9% të votave. Nëse zgjedhjet do të mbaheshin sot besoj se PD do t’i lante duart me fatin e saj dhe z. Basha do të dilte në pension bashkë me z. Berisha”, tha ai.

Sipas Shellës, PD ndodhet në një krizë për shkak se asnjë nga liderët e saj nuk ka marrë përsipër dështimin gjatë 8 viteve në opozitë.

Gjatë emisionit “Now”, me Erla Mëhillin, ai e cilësoi “katastrofik” vendimin për të mos hyrë në zgjedhjet e kaluara lokale.

“Këta (Basha-Berisha) kanë vendosur të zihen në vend që dikush të ketë burrërinë të dalë dhe të thotë që përgjegjësia është e imja”, përfundoi Shella.