Berisha: Dramë njerëzore prishja e banesave tek ‘5 Maji’

Ish-kryeministri Sali Berisha e ka quajtur një dramë njerëzore prishjen e banesave në zonën e 5 Majit në Tiranë, pasi një pjesë e banorëve nuk kanë ku të streohen.

“Drama njerëzore e një numri qytetarësh të cilëve pavarësisht se kanë 20 vite në shtëpitë e tyre, u prishën banesat në kundërshtim me çdo normë ligj dhe kushtetutë”, u shpreh Berisha jashtë parlamentit.

Deputeti nënvizoi se mbështet zhvillimin e qytetit dhe projektet që e bëjnë atë të jetueshëm, por nuk mbështet kurrë barbarinë ndaj qytetarëve të tij.

“Ka një detyrim moral, do u shpjegosh programin dhe do dëgjosh kushtet e atyre. Duhet të trajtohen me legalizim pastaj urbanizim”, tha Berisha.

Ai shtoi se të gjitha veprimet ndaj këtyre banorë janë të jashtëligjshme.