PS shpall kandidatët për zgjedhjet e pjeshme të 6 marsit

Kryesia e Partisë Socialiste ka miratuar kandidatët për kryetar bashkie në zgjedhjet lokale të 6 marsit.

Për Bashkinë e Shkodrës, PS ka zgjedhur si kandidate Majlinda Angonin, e cila prej shtator 2020 është prefekte e këtij qarku.

Në Bashkinë e Durrësit, PS do të paraqitet në zgjedhjet e pjesshme me Ermirjana Sakon, e cila drejton bashkinë prej dorëheqjes së Valbona Sakos pas deklaratës për tërmetin.

PS nuk ka shpallur ende kandidatin për Bashkinë Lushnjë. Drejtuesi politik i qarkut Fier, Taulant Balla tha se për të zgjedhur kandidatin do të ketë një konsultim me grupet e interesit.

Balla tha se do të ketë një anketim dhe emri i kandidatit do të shpallet publikisht të martën e ardhshme.

Kandidatët e PS në zgjedhje e 6 marsit:

Bashkia Shkodër, Majlinda Angoni,

Bashkia Dibër, Rahim Spahiu

Bashkia Vorë, Blerim Sheraj

Bashkia Rrogozhinë, Edison Memolla

Bashkia Durrës, Ermirjana Sako