Mbyllet votimi në Durrës për kandidatët e Berishës në zgjedhjet lokale

Në Durrës është mbyllur votimi për përzgjedhjen e kandidatit të Komisionit të Rithemelimit në zgjedhjet e pjesshme vendore më 6 mars.

Brenda sallës së numërimit janë lejuar vetëm anetarët e Komisionit të qendrës së votimit, 2 kandidatët dhe deputeti Oerd Bylykbashi.

Numërimi do bëhet pa kamera.

Procesi i votimit ka nisur që prej orës 08:00 në bashkitë Durrës, Vorë, Rrogozhinë, Shkodër, Lushnjë, Dibër.

Durrësi është bashkia e parë që mbylli votimin.

Flamur Noka deklaroi sot për Euronews Albania se në fillim të javës do të zbulojnë skemën për të zyrtarizuar kandidatët e tyre në këto zgjedhje.

Ndërsa Arben Ristani tha se kandidatët e Komisionit të Rithemelimit që do të garojnë në zgjedhjet e 6 marsit do të mbështeten nga disa parti dhe emri i koalicionit do të vendoset ditët në vazhdim.