Shpallen fituesit e primareve

Numërimi i votave për zgjedhjen e kandidatëve të Komisionit të Rithemelimit në zgjedhjet e pjesshme lokale ka përfunduar për disa bashki.

Ardian Muka është zgjedhur kandidat i Komisionit të Rithemelimit në Durrës. Në Durrës kanë marrë pjesë në votim 1546 demokratë. 1162 votuan për Ardian Mukën, 373 për Silvia Gjepalin, ndërsa 11 vota ishin të pavlefshme.

Lulzim Vrana është zgjedhur kandidat në Vorë. Në Vorë votuan gjithsej 332 demokratë. 277 vota shkuan për Lulzim Vranën dhe 55 për Gani Betën.

Në Dibër kandidat në zgjedhje do të jetë Premtin Kryemadhi. Në këtë bashki votuan 713 demokratë. 424 vota shkuan për Premtin Kryemadhin, 158 për Behar Demën, 121 për Dafina Mudën dhe 10 vota u shpallen të pavlefshme.

Në Lushjë kandidati për zgjedhjet lokale nga lista e Berishës do të jetë Elton Bano.

Për bashkinë e Rogozhinës do të garojë Hekuran Xhani.

Për Shokdrën do të kandidojë Bardh Spahia.

Ditën e sotme u zhvilluan votimet në 6 bashki, për të zgjedhur kandidatët e PD-së së Sali Berishës për zgjedhjet e pjesshme vendore që pritet të zhvillohen më 6 mars.

Këta kandidatë pritet të garojnë në zgjedhjet ne pjesshme lokale për “PD-në e Berishës”.

Flamur Noka deklaroi sot për Euronews Albania se në fillim të javës do të zbulojnë skemën për të zyrtarizuar kandidatët e tyre në këto zgjedhje. Ndërsa Arben Ristani tha se kandidatët e Komisionit të Rithemelimit që do të garojnë në zgjedhjet e 6 marsit do të mbështeten nga disa parti dhe emri i koalicionit do të vendoset ditët në vazhdim.