Mësuesja lë profesionin për flautin dhe për më shumë të ardhura

Librat dhe regjistrat i ka zëvendësuar me flautin. Kjo është mësuesja Klaudeta Bezhani, e cila la këtë profesion për artin e rrugës.

“Kam 23 vite që punoj në arsim dhe jetën time ia kam dedikuar edukimit dhe dashurisë për fëmijët. Kam punuar në 3 qytete siç është Elbasani, Korça, Tirana”, u shpreh ajo.

Prej një viti e gjysmë Klaudeta tregon se si e mori vendimin për tu shkëputur nga arsimi dhe për t’iu  bashkuar artistëve të rrugës në pedonalen e Tiranës.

“Pas 23 vitesh që ke punuar në arsim dhe baza jote kanë qenë fëmijët, të shkëputesh dhe të dalësh këtu e vetme dhe te bësh diçka të re, ndryshe nga ajo që ke bërë deri më sot. Por, duke menduar që fundi i diçka është hapja e një porte të re. Kjo më jep shpresë për të nesërmen”, tregon mwsuesja.

Ndalesa e pare e saj eshët pedonalja. “Vendi ku unë vij çdo ditë dhe luaj muzikën e shpirtit tim”, shprehet ajo.

Me instrumentin e saj flautin ka arritur të fitojë të ardhura më të larta se në punën që ajo bënte më parë.

“Shpeshherë ato qindarkat e vogla që duken si pllagëza metalike nëse i mbledh në total ti ndjen një shpërblim shumë të madh. Sa është më i madh nga ajo që ti mund të kesh marrë kur ti ke qenë i punësuar në një vend”, rrëfen ajo.

Klaudeta nuk arriti të ndiqte studimet për flaut por pasioni për këtë vegël muzikore e ka shoqëror gjithnjë. Një pasion qe u kthye edhe ne burim te ardhurash për mësuesen që i dha 23 vite arsimimit të brezave të rinj.