Pedagogia dhe historiani përplasen për turqishten si gjuhë e huaj e dytë

Mundësia e futjes së turqishtes si gjuhë e dytë e huaj, ngjalli debate mes pedagoges së turqishtes Antinela Delija dhe historianit Gjet Ndoj.

Në “Mirëmëngjes” në Euronews Albania pedagogia u shpreh se kohët e fundit ka pasur një interes të shtuar për gjuhën turke në Shqipëri.

Ajo nënvizoi se futja e kësaj gjuhe në kurrikulat mësimore si gjuhë e huaj e dytë, do të ishte një zgjedhje e mirë.

Ndërsa, historiani Gjet Ndoj kundërshtoi këtë mendim, pasi nënvizoi se kjo rrezikon identitetin tonë kombëtar.

“Kjo është pjesë e një reforme otomane, e shpallur prej tyre hapur, legalisht. Nisen edhe nga fakti që këtu ka një popullsi që është ndikuar nga Turqia edhe më herët”, u shpreh ai.

“Ky është një sens i kundërt me shpirtin dhe interesin e shqiptarëve. Nuk mund të shkojmë drejt Turqisë, kur të gjithë janë drejt Perëndimit. Ne gjendeni në një realitet që gjithsesi është imponues”, tha historiani.