11 partitë që pritet të marrin pjesë në zgjedhje

11 parti kanë dorëzuar kërkesën në Komisionin Qendror të Zgjedhjeve për të marrë pjesë në zgjedhjet e pjesshme të 6 marsit.

I vetmi koalicion i konfirmuar deri tani është ai ku do të jetë LSI dhe disa parti të tjera të vogla që do të mbështesë kandidatët e Komisionit të Rithemelimit.

31 janari ishte afati i fundit për partitë që të regjistrohen në zgjedhje e pjesshme lokale të 6 marsit.

KQZ ka 24 orë në dispozicion për të kthyer për plotësim dokumentacionin e partive me mangësi për të vijuar me miratimin e tyre në seancë.

Kodi Zgjedhor parashikon se subjektet e regjistruara një afat prej 24 orësh për të sjellë kërkesën për koalicione të mundshme zgjedhore.

Në zgjedhjet e pjesshme të 6 marsit do të votohet për kryetarët e 6 bashkive; Durrës, Shkodër, Dibër, Vorë, Rrogozhinë dhe Lushnjë.

Partitë që kanë paraqitur kërkesë në KQZ për t’u regjistruar në zgjedhje

• Partia Balli Kombëtar Demokrat
• Partia Lëvizja e Legalitetit
• Partia Bashkimi Demokrat
• Partia e Reformave Demokratike të Shqipërisë
• Partia Demokristiane e Shqipërisë
• Lëvizja Socialiste për Integrim
• Partia Kristian Demokrate
• Fryma e Re Demokratike
• Partia Lëvizja e Re
• Partia Demokratike
• Partia Socialiste

LEXONI GJITHASHTU:

• Mbi 654 mijë qytetarë me të drejtë vote në zgjedhjet e pjesshme
• Celibashi: Zgjedhjet e pjesshme do të kushtojnë 180 milionë lekë