Kongresi Rinor Kombëtar: 10 mijë të rinj pjesë e nismës

 “Rinia, Paqja dhe Siguria”, agjendë e Organizatës së Kombeve të Bashkuara është një ndër iniciativat që po ndërmerret nga Kongresi Rinor Kombëtar i Shqipërisë.

Drejtorja e Kongresit Rinor Kombëtar, Dafina Peci tha se të rinjtë do të marrin ndihmë për t’u integruar më mirë në tregun e punës.

“Pritshmëria jonë për përfshirjen e të rinjve e tejkalon numrin prej 10 mijë në nivel kombëtar” tha Peci duke shtuar se do të ketë aktivitet lokale dhe nisma konkrete.

Kjo nismë shënon një ndryshim në të kuptuarit se kush janë të rinjtë dhe rolin e tyre për paqen dhe sigurinë.

Për realizimin më tej të qëllimeve dhe aktiviteteve që parashikon agjenda “Rinia, Paqja dhe Siguria” është firmosur edhe një memorandum bashkëpunimi mes Kongresit Rinor të Shqipërisë dhe organizatës United Nations Association Albania.