12 persona gjenden të vdekur nga i ftohti në kufirin Greqi-Turqi

12 persona janë gjetur të vdekur nga i ftohti në Turqi, pranë kufirit me Greqinë.

Ministri turk i Brendshëm akuzoi rojet greke të kufirit se i kanë rikthyer në territorin turk.

Seleyman Soylu në një postim në Twitter tregon se ata u gjetën të ngrirë pa këpucë dhe pa rroba të trasha.

Ministri turk e ka shoqëruar postimin me disa foto që tregojnë trupat e emigrantëve në rrugë.

Zyrtari turk akuzon BE se po tregohet “e dobët dhe e pandjeshme”, ndërsa nga ana tjetër sipas tij tregohet simpati ndaj gylenistëve (FETO).

📆 02.02.2022
📍 Greece Ipsala Border

12 of the 22 migrants pushed back by Greek Border Units, stripped off from their clothes and shoes have frozen to death.

EU is remediless, weak and void of humane feelings.

Greek border units thug against victims, tolerant towards FETO pic.twitter.com/EP1TOqsGCB

— Süleyman Soylu (@suleymansoylu) February 2, 2022

Ministri grek i Emigracionit, Notis Mitarachi e cilëson ngjarjen tragjedi por mohon që forcat greke të kenë shtyrë emigrantë drejtë tokës turke.

Ai e cilëson propagandë false pretendimin e palës turke duke shtuar se po dështojnë parandalimin e emigrantëve në kufi.

The deaths of 12 migrants on the Turkish border near Ipsala is a tragedy. Any suggestion that they were pushed back into Turkey is patently false. pic.twitter.com/X2YoROekHg

— Νότης Μηταράκης – Notis Mitarachi (@nmitarakis) February 2, 2022

Turqia vazhdimisht ka akuzuar Greqinë se ilegalisht po kthen emigrantë që kërkojnë të shkojnë në Evropë.

Me 3.7 milionë refugjatë sirianë, Turqia është pika më e madhe e kalimit të emigrantëve nga Lindja e Mesme, Azia dhe Afrika për në BE.

Shumica kërkojnë të kalojnë në Greqi përmes kufirit tokësor apo me barka përmes detit.

Së fundmi, trafikantët po përdorin jahte për të udhëtuar nga Turqia në Itali ndërsa me dhjetëra persona kanë vdekur në Mesdhe muajin e kaluar.