Zgjedhjet e 6 marsit, 18 kandidatë për 6 kryetarë bashkie

Në zgjedhjet e pjesshme të 6 marsit do të marrin pjesë 11 parti me 18 kandidatë në 6 bashki që janë në garë.

Të gjitha partitë do të garojnë veçmas përveç LSI dhe PDK që janë bashkuar me kandidatët e mbështetur nga Berisha në koalicionin “Shtëpia e Lirë”.

KQZ do të shqyrtojë gjatë së premtes kërkesën për regjistrimin e koalicionit. Beteja më e fortë do të jetë në Durrës. Kjo bashki drejtohet prej vitit 2003 nga PS.

Emirjana Sako, që drejton bashkinë si kryetare në detyrë pas dorëheqjes së Valbona Sakos, garon përballë kandidatit të PD, Luan Hoti dhe kandidatit të ‘Shtëpisë së Lirisë’, Ardian Muka.

Historikisht bastioni i PD, Shkodra këtë herë është në pikëpyetje për shkak të përçarjes brenda PD.

Të djathtët janë në garë me ish-zv.ministrin e Shëndetësisë, Bardh Spahian nga krahu i Berishës dhe Xhemal Bushatin nga krahu i Bashës. Kurse PS garon me Majlinda Angonin.

Gara do të jetë interesante dhe në katër bashkitë e tjera, Dibër, Vorë, Rrogozhinë dhe Lushnjë.

Kandidatët fitues do të mbajnë detyrën vetëm rreth një vit pasi në qershor 2023 do të mbahen zgjedhjet e rregullta lokale.

Në zgjedhjet e fundit për pushtetin lokal, ato të 30 qershorit 2019, opozita nuk mori pjesë. Për rrjedhojë PS fitoi të 61 bashkitë.

Shkak që 6 bashkitë në zgjedhje janë sot pa kryetar është bërë kandidimi i personave të dënuar dhe dorëheqjet sic ishte rasti i Durrësit.

Kandidatët për kryetar bashkie më 6 mars

Kandidatët e PS:

Bashkia Shkodër, Majlinda Angoni

Bashkia Durrës, Ermirjana Sako

Bashkia Dibër, Rahim Spahiu

Bashkia Vorë, Blerim Sheraj

Bashkia Rrogozhinë, Edison Memolla

Bashkia Lushnjë, Eriselda Sefa

Kandidatët e PD:

Bashkia Shkodër, Xhemal Bushati

Bashkia Durrës, Luan Hoti

Bashkia Lushnjë, Indrit Sefa

Bashkia Dibër, Luan Haka

Bashkia Rrogozhinë, Ferdinand Saraçi

Bashkia Vorë, Ymer Marku

Kandidatët e ‘Shtëpia e Lirisë’:

Bashkia Durrës, Ardian Muka

Bashkia Shkodër, Bardh Spahia

Bashkia Dibër, Premtim Kryemadhi

Bashkia Vorë, Lulzim Vrana

Bashkia Rrogozhinë, Hekuran Xhani

Bashkia Lushnjë, Elton Bano