Avokati zbulon kërkesën e fundit të Tahirit para burgut

Avokati i Saimir Tahirit e ka cilësuar vendimin e Gjykatës së Posaçme të Apelit për Korrupsionin dhe Krimin e Organizuar si “skandaloz”.

Maks Haxhia tha dënimi me burg vjen për shkak të presionit dhe pritshmërisë së publikut.

Nga pikëpamja juridike tha ai, vendimi ishte i pakuptimtë, duke lënë në fuqi vendimin por ka hequr shërbimin e provës.

“Është një hakmarrje dhe kënaqje e epërsisë dhe pozicionit të një pushteti gjyqësor të pashpjegueshëm”, tha ai.

Haxhia shtoi se vendimi do të dërgohet në Gjykatën e Lartë për rekurs, duke u shprehur i bindur për pafajësinë.

“Ata që iniciuan këtë proces, i tremben pafajësisë në Gjykatën e Lartë dhe realizuan njollosjen e Saimir Tahirit”, deklaroi avokati.

Haxhia tha se pas vendimit, Tahiri do të dërgohet fillimisht në drejtorinë e Policisë së Shtetit dhe më pas në burgun 313.

Avokati u shpreh se kërkesa e parë që ka bërë ish-ministri ndërsa priste shoqërimin në burg, ka qenë blerja e disa paketave me cigare.