Autobusi me 30 pasagjerë del nga rruga në Librazhd

Një autobus me rreth 30 pasagjerë ka dalë nga rruga duke rrezikuar të përfundonte në humnerë, në Kthesën e Murrashit në Librazhd.

Asnjë person nuk është lënduar.

Autobusi po lëvizte nga Librazhdi në drejtim të Elbasanit, por dyshohet se nga lagështia ka humbur kontrollin dhe ka dalë nga rruga.

Nuk ka barriera mbrojtëse në të gjithë rrugën në rast përplasjeje.

Në Kthesën e Murrasthit në Librazhd, disa ditë më parë humbën jetën 3 persona gjatë një aksidenti.

Kthesa e Murrashit është evidentuar dhe më herët si ‘kthesa e vdekjes’. Kjo rrugë është më e rrezikshme gjatë dimrit, pasi për shkak të reshjeve të shumta, ka rënie gurësh.