SPAK ende pa vendim nëse do apelojë dënimin për Tahirin

SPAK nuk ka marrë ende një vendim nëse do i bëjë apo jo rekurs vendimit për dënimin e Saimir Tahirit me 3.4 vite burg.

Burime nga struktura anti-korrupsion bënë me dije se pritet zbardhja e vendimit dhe pasi gjykata ta nxjerrë atë të arsyetuar, dy prokurorët e çështjes do të vendosin nëse do bëjnë rekurs.

Edhe pse gjykata rrëzoi SPAK për akuzat e trafikut të drogës dhe grupit kriminal të ngritura ndaj Tahirit, Prokuroria e Posaçme nuk e ka marrë ende një vendim pa lexuar arsyetimin e treshes se apelit të GJKKO-së që dha vendimin.

Nga ana tjetër Tahiri pret vetëm zbardhjen e vendimit për t’u drejtuar me rekurs Gjykatës së Lartë.

Pak ditë më parë, Gjykata e Posaçme e Apelit për Korrupsionin dhe Krimin e Organizuar e shpalli fajtor ish-ministrin për shpërdorim detyre duke lënë në fuqi dënimin me 5 vjet burg.

Për shkak të gjykimit të shkurtuar Tahiri do të vuajë 3 vite e 4 muaj burg.

LEXONI GJITHASHTU:

• Avokati tregon hapat që do të ndjekë për lirimin e Saimir Tahirit