Rama: Zgjatja e vetingut lajm i mirë, të vazhdojë të pastrojë llumin

Çdo gjë që bashkon është diçka pozitive, tha kryeministri Edi Rama i pyetur lidhur me vendimin e PD për të votuar pro zgjatjes së mandatit të organeve të vetingut.

I pyetur për mediat pas mbledhjes së kryesisë së PS, Rama e cilësoi një lajm shumë të mirë zgjatjen e afateve të vetingut, si e vetmja rrugë për të vijuar pastrimin e sistemit të drejtësisë nga llumi.

“Çdo gjë që bashkon është diçka pozitive, arsyet s’kanë rëndësi para faktit që sot kemi zgjatjen e mandatit për një proces që ka qenë i dhimbshëm, i vështirë me pjesët e veta shumë pozitivë. Nuk ka qenë perfekt, por proces pastrimi i një llumi të madh në drejtësi në një vend që s’ka pasur drejtësi kurrë. Në Shqipëri s’ka pasur kurrë një sistem drejtësie si në vendet që i shohim me zili.

Ajo që kemi bërë në kaq pak vite është e paprecedentë pasi kemi ecur me shpejtësi të skëterrshme që ka pasur edhe kjo kostot e veta që ai institucion i vetingut të vazhdojë të pastrojë llumin deri në fund pasi ka ende llum në gjykata”, tha kreu i qeverisë.

LEXONI GJITHASHTU:

• Kuvendi voton me 118 vota zgjatjen e afateve të vetingut
• 185 gjyqtarë e prokurorë u shkarkuan nga vetingu, 76 dhanë dorëheqjen