Taksa e alkoolit në Turqi, qytetarët i distilojnë vetë pijet e tyre
Taksa e vendosur nga qeveria e presidentit Erdogan ndaj pijeve alkoolike ka bërë që në qytete të ndryshme të Turqisë, baret të boshatisen.
Taksimi i ka detyruar pijedashësit që t’i distilojnë vetë pijet e tyre.
Tryezat janë thuajse të boshatisura në lagjen më të gjallë të Stambollit, pasi taksat mbi alkoolin u rritën me 50 për qind.
Kjo është një nga goditjet më të mëdha që qeveria turke i dha konsumit të alkoolit në vend.
Presidenti Erdogan, një mysliman i përkushtuar, ka thënë se njerëzit më mirë të pinë bozë se sa raki.
Por kriza ekonomike në vend dhe rënia e lirës bëjnë që vendi të ketë nevojë për të ardhura.
“Njerëzit që vinin 3 ose 4 ditë në javë, tani vijnë vetëm një ditë. Një person që pinte 5 ose 6 birra, tani pi 2 ose 3. Ndaj është e natyrshme që vendosja e taksës të na ketë prekur”, tha Ali Iktu, pronar bari, në Stamboll.
Por konsumatorët nuk do të ndalen, thotë Serdar Bayar, pronar i një dyqani pijesh.
Pijedashësit po bëhen kimistë dhe po distilojnë vetë pijet e tyre. Në YouTube ka pa fund video që tregojnë se si të përgatisësh pije në kushtet e shtëpisë.
“Ata do të blejnë alkool kontrabandë dhe kjo do të shkaktojë pasoja të padëshirueshme, që nuk duam t’i shohim”, tha Serdar Bayar, pronar dyqani pijesh në Stamboll.
Vetëm dhjetorin e kaluar, 84 persona humbën jetën nga alkooli i paligjshëm, përpara se çmimet të rriteshin. Ndërsa këtë javë policia e Stambollit bastisi një laborator pijesh dhe arrestoi disa të dyshuar.
Publikohet renditja e pasaportave më të fuqishme, 9 nga 10 pasaportat më të forta në botë janë evropiane
Ministri i Jashtëm iranian paralajmëron: Do të ketë përgjigje të menjëhershme ndaj çdo kërcënimi
Alarm për rrëmbim në një avion me 180 pasagjerë, Izraeli ngre në ajër avionët luftarakë
- 14:17 Kryeministri francez shpall dënimin me burgim të përjetshëm për abuzuesit seksualë të fëmijëve
- 14:10 Kryebashkiakut të Kuçovës nuk i hiqet mandati, Celibashi: Ligji i dekriminalizimit nuk gjen zbatim në rastin e Kreshnik Hajdarit
- 14:02 Rama në Ruhr Summit: Shqipëria, “laborator i vogël inteligjent” në Evropë
- 14:02 Vrasja e dhëndrit, Gjykata e Lartë prish dënimin me burgim të përjetshëm për Mexhit Picarin
- 13:48 Publikohet renditja e pasaportave më të fuqishme, 9 nga 10 pasaportat më të forta në botë janë evropiane
- 13:44 U raportua i zhdukur pasi u zhyt në Liqenin e Batllavës, gjendet i vdekur 25-vjeçari