Vritet me armë 47-vjeçari në Shkodër

Një 47-vjeçar është vrarë në fshatin Grudë e Re në Shkodër.

Viktima është vrarë me armë zjarri kallashnikov nga një person i maskuar në ambientet e një lokali.

Arsyet e vrasjes janë ende të paqarta, por dyshohet për gjakmarrje.

Policia njoftoi se ngjarja ka ndodhur rreth orës 19:15.

47-vjeçari Prek Tonaj ishte punonjës i Ujësedhes- kanalizimeve në Shkodër.

Ai u arrestua 11 vite më parë pas dyshimeve se planifikonte vrasje për të marrë gjakun e të vëllait.

Në familjen Tonaj janë vrarë 3 vëllezër për gjakmarrje, ku Prek Tonaj është i treti.

Policia ndodhet në vendngjarje, ndërsa ka vendosur pika kontrolli përreth zonës për të kapur autorin.