Zbardhen emrat e anëtarëve të PS në komisionin për reformën zgjedhore

Partia Socialiste do të ketë nga 8 anëtarë në komisionin për reformën zgjedhore dhe në atë për reformën administrative-territoriale, përbërja e të cilëve pritet të votohet të enjten

Kreu i grupit parlamentar të Partisë Socialiste, Taulant Balla zbuloi për mediat se bashkëkryetar për reformën zgjedhore nga PS do të jetë Damian Gjiknuri.

Të dy komisionet do te jenë bipartizane, me bashkëkryetar; një nga PS dhe një nga PD. Afati i të dy komisioneve është 6-mujor.

Anëtarët e Komisionit të Posaçëm të Reformës Zgjedhore nga PS:

Damian Gjiknuri bashkëkryetar

Blerina Gjylameti anëtare

Klotilda Bushka anëtare

Toni Gogu  anëtar

Ermonela Felaj anëtare

Arben Pëllumbi anëtar

Blendi Klosi anëtar

Klevis Xhoxhi anëtar

Anëtar zëvendësues:

Gledis Çeliku

Jurgis Çyrbja

Xhemal Qefalia

Balla mohoi që votimi i zgjatjeve të organeve të vetingut nga Partia Demokratike të ishte arritur përmes negociatave me qeverinë në këmbim të ndryshimeve të kërkuara nga opozita lidhur me reformën zgjedhore dhe atë territoriale.

“Nuk dua të paragjykoj punën e këtij komisioni. Ka plot çështje që meritojnë të diskutohen. Nuk ka pasur negociata për votimin. Është thjesht dhe vetëm ndërgjegjësimi i deputetëve të opozitës që vendosën ta mbështesin duke e konsideruar reformën në drejtësi hap të rëndësishëm”, u shpreh Balla.

LEXONI GJITHASHTU:

• Si votuan deputetët për zgjatjen e Vetingut?
• Kuvendi voton me 118 vota zgjatjen e afateve të vetingut