Kapet me mbi 400 gramë kokainë 31-vjeçari nga Durrësi

Policia e Tiranës ka arrestuar një 31-vjeçar për shpërndarje kokaine.

Burime nga policia thanë se shtetasit të arrestuar Fabian Bega, nga Durrësi iu sekuestrua një sasi prej 414 gramë kokainë.

Arrestimi i tij u bë pas të dhënave të mbledhura se një shtetas posedonte dhe shpërndante lëndë narkotike në qytetin e Tiranës.

“Ky shtetas, pasi siguronte lëndën narkotike në sasi 500 gramë deri në 2 kg, në qytetin e Durrësit, e ndante në porcione të vogla, të cilat më pas i shiste në zonën e “Don Boskos”, në rrugën “Mine Peza” dhe në afërsi të Zogut të Zi, kundrejt vlerës 8000 lekë të rinj një dozë me kokainë. 31-vjeçari, lëvizjet nga Durrësi në Tiranë, i bënte me transport publik, ndërsa brenda Tiranës lëvizte me këmbë, që të ushtronte aktivitetin e tij pa u pikasur nga shërbimet e Policisë”, sqaron policia.

LEXONI GJITHASHTU:

• Arrestohen 4 persona për organizim të lojërave të fatit
• Basha thirrje SPAK: Nisni arrestimet për aferën e inceneratorëve