Berisha prezanton kandidatin për Bashkinë Durrës

Sali Berisha ishte sot në Manëzë në mbështetje të kandidatit të “Shtëpisë së Lirisë” për zgjedhjet e 6 marsit në Durrës, Ardian Muka.

Ish-kryeministri i bëri thirrje qytetarëve të ndahen nga regjimi i Ramës, ndërsa sulmoi edhe kandidatin e Bashës.

“Është koha të përdorim votën për një vendim të rëndësishëm. Përfaqësuesja e Edi Ramës, jo vetëm solli helmet këtu, plehrat i digjte natën si hije të zeza, ajo kandidate nuk vjen rastësisht, është kryeinspektorja e ndërtimeve të dëmtuara nga tërmeti i shtatorit 2019. Ato të dëmtuarat në 2019, morën shpirtrat e qytetarëve më vonë. Kjo u tregua e papërgjegjshme”, tha Berisha.

Partitë kanë nisur fushatën për zgjedhjet e pjesshme vendore të 6 marsit, ku 19 kandidatë garojnë për 6 bashki të vendit.