Pasagjeri gjendet i gjallë pas 3 ditësh brenda anijes së djegur në Korfuz

Pas tri ditësh është gjetur i gjallë një nga pasagjerët në tragetin i cili mori flakë në ishullin grek të Korfuzit.

I riu 21-vjeçar që tha se vinte nga Bjellorusia ndodhej në pjesën e pasme të tragetit dhe fatmirësish është në gjendje të mirë shëndetësore.

Autoritetet  janë në kërkim të 11 personave të tjerë të cilët rezultojnë të zhdukur, 8 prej tyre mendohet se janë shtetas bullgarë.

Temperaturat ekstreme deri ne 600 gradë celsius në disa pjesë të mjetit kanë penguar operacionet e shpëtimit, por autoritetet thonë se nuk rrezikon të përmbyset.

Ende nuk janë bërë me dije shkaqet e aksidentit ndërsa trageti vijon ende të digjet duke krijuar shtëllunga të mëdha tymi.

Një prokuror grek në ishullin e Korfuzit ka urdhëruar hetim për incidentin. Kompania me bazë në Itali tha se zjarri filloi aty ku ishin parkuar automjetet.

Kapiteni i anijes dhe dy inxhinierët u arrestuan por u liruan të njëjtën ditë.

LEXONI GJITHASHTU:

• Pasagjerët e tragetit italian rrëfejnë orët e frikës nga zjarri