Çmimi i naftës rritet me 9 lekë në një muaj e gjysmë

Çfarë ka ndodhur me çmimin e naftës në një muaj e gjysmë? Është rritur me 9 lekë për litër.

Që prej datës 23 dhjetor 2021, ne kemi ruajtur kuponët tatimorë në momentin e furnizimit të makinës me karburant. Fatura e parë, në muajin dhjetor, tregon se një litër naftë na ka kushtuar 184 lekë.

Në datën 11 të muajit janar 2022, vëmë re një rritje jo shumë domethënëse në çmimin e naftës për një litër, me një lek. I njëjti çmim vijon edhe në datën 17 janar 2022.

Në dy faturat e radhës, në datat 20 dhe 26 janar, çmimi ka pësuar një rënie me 1 lek, duke shkuar te konsumatorët me 184 lekë për litër.

9 lekë më shtrenjtë kemi paguar për një litër naftë në faturën e radhës, më 7 shkurt 2022, kur ky çmim shkoi në 193 lekë për litër.

Katër ditë më vonë, në faturën e radhës, vëmë re që çmimi i naftës për një litër, nuk ka ndryshuar. Edhe sa do te vazhdojë rritja e çmimit të naftës?

Ministrja e Finanacave Delina Ibrahimaj shprehet se do të vijojë edhe për të paktën 6 muaj.