Çfarë u diskutua në takimet për dialogun Kosovë – Serbi?

Të martën në Bruksel u mbajtën takime në kuadër të dialogut Kosovë – Serbi.

Diskutimi pati në qendër çështjen e personave të zhdukur me forcë gjatë luftës në Kosovë, ndjeshmërinë dhe urgjencën e një zgjidhjeje sa më të shpejtë për këtë çështje.

Në takime ishin të pranishëm Besnik Bislimi, kryenegociator për Kosovën, homologu i tij serb Petar Petkoviç dhe përfaqësuesi i BE për dialogun, Miroslav Lajçak.

Zv. kryeministri i Kosovës, Bislimi, njoftoi se është diskutuar edhe për energjinë, në kuadër të marrëveshjeve ekzistuese.

Temë e bisedimi ishte edhe integrimi në Bashkimin Evropian, ku sipas Bislimit u tha se Kosova ka bërë progres “megjithatë mbeten ende detaje për t’u trajtuar”.

Dialogu Kosovë-Serbi rifilloi pas 3 muajsh “ngërç”.