Ukraina mohon se Rusia ka marrë centralin bërthamor më të madh në vend

Zyrtarët ukrainas kanë hedhur poshtë pretendimet e Rusisë se forcat e saj kanë pushtuar centralin bërthamor Zaporizhzhia, më i madhi në Europë.

Energoatom, kompania shtetërore bërthamore e Ukrainës, i tha agjencisë së lajmeve Interfax se pretendime të tilla nga Moska janë një gënjeshtër absolute.

Të hënën Rusia tha se trupat e saj kishin kapur stacionin bërthamor dhe operacionet po vazhdonin normalisht.

Gjeneralmajor Igor Konashenkov, nga Ministria ruse e Mbrojtjes tha në një deklaratë se ‘ushtarët rusë po ruajnë dhe kontrollojnë plotësisht zonën përreth termocentralit bërthamor Zaporizhzhia’.

LEXONI GJITHASHTU:

• Bjellorusia voton pro lejmit të armëve bërthamore në territorin e saj
• Putin urdhëron ushtrinë të vërë në gatishmëri të lartë forcat bërthamore