Zelensky kërkon që Ukraina të anëtarësohet menjëherë në BE

Presidenti ukrainas Volodymyr Zelensky i kërkoi Bashkimit Evropian që t’i japë vendit të tij anëtarësimin të menjëhershëm në union.

“Qëllimi ynë është të jemi së bashku me të gjithë evropianët dhe më e rëndësishmja, të jemi kushte të barabarta. Jam i sigurt se është e drejtë. Jam i sigurt se është e mundur”, tha ai.

Në një deklaratë video, Zelensky u bëri thirrje ushtarëve rusë që të linin armët.

“Hiqni pajisjet tuaja. Largohuni nga këtu. Mos u besoni komandantëve tuaj. Mos u besoni propaganduesve tuaj. Thjesht shpëtoni jetën tuaj”, tha ai.

Udhëheqësi ukrainas tha gjithashtu se autoritetet do të lirojnë të dënuarit me përvojë luftarake në mënyrë që ata të mund të ndihmojnë në mbrojtjen e vendit.

“Ne kemi marrë një vendim që nuk është i lehtë nga pikëpamja morale, por që është i dobishëm nga pikëpamja e mbrojtjes sonë”, tha ai.

LEXONI GJITHASHTU:

• Zelensky: Mora garanci nga Lukashenko se nuk do të ketë ndërhyrje bjelloruse
• Zelensky refuzon ofertën për negociata me Rusinë në Bjellorusi