Rubla ruse zhvlerësohet në nivel rekord

Lufta Rusi-Ukrainë ka nisur të japë efektet e saj në ekonomi. Monedha kombëtare ruse është zhvlerësuar në nivele rekord.

Në kursin e këmbimit Rubla ra me 30% ndaj dollarit amerikan, pasi vendet perëndimore ndërmorën sanksione ndaj Rusisë. Disa banka u ndaluan të përdorin sistemin e pagesave ndërkombëtare Swift.

Njoftimi për sanksione ka ngjallur frikë te rusët, të cilët janë parë në radhë të gjata në fundjavë, duke pritur për të tërhequr para dhe për t’i shkëmbyer rublat.

Investitorët u dyndën drejt monedhave të sigurta, duke përfshirë dollarin amerikan dhe jenin, pasi presidenti rus Vladimir Putin vuri në gatishmëri të lartë forcat e armatosura bërthamore.

SHBA dhe Bashkimi Evropian kanë njoftuar sanksione të paprecedentë gjatë fundjavës.

Këto masa kanë synuar bankën qendrore ruse, e cila ka ndërhyrë për të mbështetur vlerën e Rublës pas urdhrit të Vladimir Putin për të pushtuar Ukrainën.

Bankat e mëdha ruse si Sberbank dhe VTB Bank kanë siguruar klientët e tyre se do të jenë në gjendje të hyjnë në depozitat e tyre në Rubla dhe të bëjnë shkëmbime në valuta të huaja si dollarë dhe euro.

LEXONI GJITHASHTU:

• Rusia shkatërron avionin më të madh në botë