Dashamir Shehi kundër Open Balkan: Shqipëria të largohet nga orekset e Serbisë

Deputeti Dashamir Shehi tha në “Mirëmëngjes” se ka qenë gjithnjë kundër Open Balkan dhe pikërisht tani është momenti që Shqipëria të tërhiqet nga marrëveshja.

“Unë gjithnjë kam qenë kundër kësaj, sepse kjo përfitime nuk ka për Shqipërinë, edhe sikur të mos kishte ndodhur lufta,” – u shpreh Shehi.

Sipas tij, në këtë marrëdhënie të pashëndetshme me Serbinë, përfitimet janë minimale. Pjesa më e madhe e atyre që popmpohen si fitime, tha Shehi janë thjesht të shkruara në letra dhe shqiptarët nuk mund t’i përfitojnë për shkak të mungesës së informacionit.

Dashi thekson se Shqipëria duhet të tërhiqet dhe të mos bëhet pjesë e orekseve të Serbisë.

Politika dhe ekonomia lidhen ngushtësisht dhe nuk mund të ndahen kaq lehtë sa thotë kryeministri, sipas deputetit Shehi.

LEXONI GJITHASHTU:

• Çmimi i naftës pritet të rritet deri në 220 lekë, thonë ekspertët