Mbahet sot raundi i dytë i bisedimeve Rusi-Ukrainë

Raundi i dytë i bisedimeve mes delegacionit rus dhe atij ukrainas do të mbahet të mërkurën.

Mendohet se delegacionet do të kenë të njëjtët përfaqësues si gjatë takimit të të hënës në kufirin me Bjellorusinë.

“Tani është zyrtare. Raundi i dytë i bisedimeve midis Ukrainës dhe pushtuesit do të zhvillohet sot. Delegacionet do të kenë të njëjtën përbërje”, tha një ndihmës i presidentit ukrainas për CNN të mërkurën.

Të martën, agjencia shtetërore ruse e lajmeve RIA tha se raundi i dytë i bisedimeve do të zhvillohet pranë kufirit Bjellorusi-Poloni.

Raundi i parë i bisedimeve të hënën zgjati për pesë orë dhe përfundoi pa ndonjë marrëveshje që mund t’i japë fund luftës.

Kievi kërkon armëpushim dhe tërheqjen e trupave ruse ndërsa Rusia këmbëngul në çmilitarizimin e Ukrainës.

LEXONI GJITHASHTU:

• Nisin bisedimet Rusi-Ukrainë në kufirin me Bjellorusinë
• Zyrtari britanik: Ndalim-fluturimi për Rusinë mund të çojë në luftë Europën