Lufta Rusi-Ukrainë hyn në javën e dytë, si raportohet gjendja  

Tashmë ka kaluar një javë që nga nisja e sulmeve ruse në Ukrainë. E enjtja shënon ditën e tetë të luftës. Çfarë dimë deri tani?

Bisedimet Ukrainë-Rusi: Një raund i dytë bisedimesh do të zhvillohet të enjten ndërmjet delegacioneve të dy vendeve në Bjellorusi. Raundi i parë u zhvillua të hënën dhe zgjati pesë orë.

Hetimi në Hagë: Gjykata Penale Ndërkombëtare në Hagë tha të mërkurën se do të nisë menjëherë hetimin pas pushtimit të Ukrainës nga Rusia.

Përparimi i forcave ruse në Kiev: Forcat ruse që lëvizin drejt kryeqytetit të Ukrainës, Kievit kanë ngelur në po të njëjtin vend, tha të mërkurën zëdhënësi i Pentagonit, John Kirby. Trupat mund të kenë probleme me furnizimin dhe mund të rigrupohen për shkak të rezistencës së Ukrainës.

Lufta në Kherson: Kryetari i bashkisë së Kherson tregoi se qyteti jugor kishte rënë të mërkurën në duart e rusëve dhe forcat ukrainase ishin larguar. Kjo pason disa ditë luftimesh të rënda, ku e mërkura ka qenë me humbjet më të mëdha, sipas autoriteteve.

Bombardimet në Kharkiv: Qyteti i dytë më i madh i Ukrainës, Kharkiv, u përball me bombardime intensive të mërkurën, me sulmet me raketa ruse që goditën të paktën tre shkolla, një katedrale dhe disa dyqane. Një anëtar i Organizatës për Sigurinë dhe OSBE u vra ndërsa po furnizohej me ushqime në Kharkiv këtë të martë.

Kërkesa e Kinës: Një raport i inteligjencës perëndimore tregoi se zyrtarët kinezë në fillim të shkurtit kërkuan që zyrtarët e lartë rusë të prisnin derisa të përfundonin Lojërat Olimpike Dimërore të Pekinit përpara se të fillonin një pushtim të Ukrainës.

Votimi në OKB: Asambleja e Përgjithshme e Kombeve të Bashkuara votoi me shumicë dërrmuese për të dënuar pushtimin e Rusisë të mërkurën. Rezultati nuk është ligjërisht i detyrueshëm dhe dyshohet se do të ndikojë në vendimet e Putin pavarësisht peshës që ka.

Vala e refugjatëve: Një milion njerëz janë larguar nga Ukraina në vetëm një javë, sipas OKB-së.

LEXONI GJITHASHTU:

• Viktimat nga lufta, OKB raporton më pak se qeveria ukrainase