Ukraina ndalon eksportin e drithërave

Qeveria ukrainase do të ndalojë eksportet e mallrave kryesore bujqësore, duke përfshirë grurin, misrin, thekrën, elbin, kripën dhe mishin, sipas një rezolute të kabinetit të publikuar të mërkurën raporton CNN.

Ministri i Politikës Agrare dhe Ushqimit të Ukrainës, Roman Leshchenko tha se hapat ishin ndërmarrë “për të parandaluar një krizë humanitare në Ukrainë” dhe “për të përmbushur nevojat e popullatës për produkte ushqimore kritike”.

Ukraina është një nga furnizuesit më të mëdhenj të produkteve bujqësore në Evropë, sipas të dhënave nga Komisioni Evropian.

Rusia dhe Ukraina janë përgjegjëse për pothuajse 30% të eksporteve botërore të grurit, sipas Gro Intelligence, kompani analitike e të dhënave bujqësore.

Ky vendim pritet të çojë deri tek mungesa të drithërave dhe rritjen e çmimit të produkteve kryesore, përfshirë bukën.

LEXONI GJITHASHTU:

• Serbia ndalon eksportin e drithërave
• Shqipëria do t’u drejtohet tregjeve të reja për drithëra, thotë Tarelli