Rama: Bord Kombëtar për kontrollin e çmimit të naftës

Kryeministri, Edi Rama përmes një dalje në Facebook ka reaguar për protestat që po mbahen prej dy ditësh në disa qytete të vendin por edhe para kryeministrisë për rritje e naftës.

Rama thotë se nafta dhe energjia që prodhon vendi nuk përmbush nevojat. Gjithashtu duke iu referuar naftës, ia tha se ajo nuk është e përshtatshme për makinat.

“Nafta e vendit është e rëndë dhe përdoret kryesit për bitum. Energjia që prodhojmë as në stinën e reshjeve të shiut nuk plotëson të gjitha nevojat”, u shpreh Rama.

Kreu i qeverisë deklaroi se çmimi i naftës dhe energjisë elektrike është ndikuar nga lufta në Ukrainë. Kryeministri u shpreh se nuk do të ketë rritje për çmimin e energjisë pavarësisht se një gjë e tillë ka ndodhur në vendet e rajonit.

“Nuk mund të rrisim energjisë dhe të ulim naftës sepse energjia i prek të gjithë. Fermerët e marrin naftën pa taksa. Duke mbrojtur çmimin e energjisë, ne i mbrojmë të gjithë”, tha Rama duke shtuar se ky është një shërbim që ofrohet nga shteti dhe jo nga privati siç ndodh me naftën.

“Nafta është një mall në tregun e lirë dhe qeveria ka hequr dorë nga kontrolli i çmimit të tregut që prej vitit 1990. Shteti nuk cakton çmimet e mallrave. Shtetit nuk vendos dot dhe nuk imponon dot çmime”, shtoi kryeministri.

Drejtuesi i Këshillit të Ministrave tha se brenda javës qeveria do të hartojë një plan masash për krizën e rritjes së çmimeve.

“Brenda 48 orësh do të hartohet plani i masave. Unë nuk fle edhe kur të gjitha ata që na japin këto receta të gatshme shkojnë të flejë”, theksoi Rama.

Një nga masat tha Rama do të jetë krijimi i një Bordi Kombëtar që bashkë me kompanitë e tregtimit të naftës do të bëjë transparencë të çmimit të naftës. Vendimi pritet të merret gjatë ditës së premte.

“Do të ndalojmë spekulimet me rritjen e naftës, me një akt normativ, një bord kombëtar të administrimit të karburantit, ku do të flitet për të gjitha hapat. Do përcaktojmë masa drastike për çdo furnizues që shkel vendimet e marra në një tryezë të përbashkët mes furnitorëve dhe qeverisë”, tha Rama.