Hakerët shkaktojnë ndërprerjen e internetit në Ukrainë

Një shërbim interneti në Ukrainë u ndërpre nga hakerët të enjten, ndërsa inxhinerët janë ende duke punuar për ta kthyer në funksion.

Nuk ishte menjëherë e qartë se kush e kreu hakimin. Kompania nuk fajësoi në mënyrë të drejtpërdrejtë hakerat rusë për incidentin, por tha se “armiku” ishte përgjegjës, një term që zyrtarët ukrainas e kanë përdorur për t’iu referuar Rusisë gjatë luftës.

“Kjo është hera e dytë që nga fillimi i luftës që ne kemi vuajtur nga një sulm hakeri në nyjet kryesore të rrjetit,” deklaroi Triolan, një kompani interneti me klientë në qytete të Ukrainës si Kiev, Kharkiv dhe Dnipro.

Triolan tha të enjten se 70% e “nyjeve” të rrjetit që mbështesin shërbimet e internetit u rivendosën.

Sulmet kibernetike kanë luajtur një rol mbështetës në luftën në Ukrainë, me hakimet në faqet e internetit dhe agjencitë e qeverisë ukrainase që ndodhën disa orë përpara se tanket ruse të kalonin kufirin.

LEXONI GJITHASHTU:

• Rusia për bombardimin e spitalit: Inskenim i Ukrainës