Kryeministri Philippe: Francezët do të mund të shkojnë me pushime në korrik dhe gusht

“Francezët do të kenë mundësi të shkojnë me pushime në muajt korrik dhe gusht, pavarësisht pandemisë së coronavirus” kështu u shpreh të enjten kryeministri i Francës Edouard Philippe teksa shtoi se do të ketë disa kufizime lokale, në varësi të zhvillimeve të virusit.

Qytetarët e Francës do të mund të rezervojnë pushimet e tyre pasi industria e turizmit ka premtuar se ata do të rimbursohen, nëse situata përkeqësohet.  

Kryeministri Philippe prezantoi një fond masiv prej 18 miliardë eurosh për sektorin e turizmit. “Është e paprecedentë, masive dhe e nevojshme”, u shpreh kryeministri.  

“Turizmi po përjeton situatën më të keqe në historinë moderne, ndërkohë që ky sektor është ndër thesaret e ekonomisë franceze”, tha Philippe. “Ndaj mbrojtja e tij është një prioritet kombëtar”.

Hotelet, restorantet dhe agjencitë turistike në Francë qëndrojnë të mbyllura që nga mesi i marsit por deri më tani kanë marrë 6.2 miliardë euro në ndihma shtetërore dhe kredi. 

Lexoni gjithashtu: 

Franca rihap plazhet. Banorët përfitojnë, por liria mbetet e kufizuar

Një shkollë në Francë zhvendos mësimin në pyll pas protestave të prindërve për rikthimin në ndërtesë

Coronavirus dhe udhëtimet: A do të jetë kjo ide nga Spanja shpëtimi i pushimeve verore për Europën?