Rritet numri i të infektuarve në Kosovë, Ministria e Shëndetësisë: Ndikoi lirimi i masave, do vendosim për fazën e dytë

Gjatë 24 orëve të  fundit janë shënuar 18 raste të reja me COVID-19 në Kosovë duke e çuar numrin total të të infektuarve në 945 raste, 690 prej të cilëve janë shëruar.

Rastet e të infektuarve janë regjistruar ne Komuna e Ferizajit (9 raste), 6 raste nga komuna e Gjilanit dhe 3 raste në komunën e Vushtrrisë. Deri më tani në Kosovë nga coronavirusi kanë vdekur 29 pacientë, të cilët sipas autoriteteve shëndetësore “kanë pasur sëmundje të tjera shoqëruese”.

Në një lidhje live me Euronews Albania, zëdhënësi i Ministrisë së Shëndetësisë në Kosovë, Faik Hoti tha se lirimi i masave ndikoi në rritjen e rasteve, por shifrat aktuale janë brenda projeksioneve të parashikuara 2 muaj më parë.

“Ministria e Shëndetësisë po përcjell situatën dhe në varësi të trendit të 2-3 ditëve do të vendoset lidhur me fazën e dytë të hapjes më 18 maj”, tha ai.

Ai mohoi që mjekëve në Kosovë t’iu ishte mohuar e drejta për të folur në media teksa theksoi fakti se Ministria e Shëndetësisë ka kërkuar të ketë një mesazh të qartë dhe të unifikuar nga mjekët në mënyrë që mesazhet të përcillen në këtë formë edhe tek publiku.

Sa i përket grumbullimit masiv disa ditë më parë në Prishtinë, ku aktivistë të Vetëvendosjes ishin mbledhur për të organizuar një protestë, z. Hoti tha se Ministria e Shëndetësisë, që në fakt vjen nga Vetëvendosja, është në radhë të parë përfaqësuese e populli dhe jo e një subjekti politik, ndaj në mënyrë të njëjtë iu ka bërë thirrje të respektojnë masat e distancimit fizik.

Ai mohoi që mjekëve në Kosovë t’iu ishte mohuar e drejta për të folur në media teksa theksoi fakti se Ministria e Shëndetësisë ka kërkuar të ketë një mesazh të qartë dhe të unifikuar nga mjekët në mënyrë që mesazhet të përcillen në këtë formë edhe tek publiku.

Sa i përket grumbullimit masiv disa ditë më parë në Prishtinë, ku aktivistë të Vetëvendosjes ishin mbledhur për të organizuar një protestë, z. Hoti tha se Ministria e Shëndetësisë, që në fakt vjen nga Vetëvendosja, është në radhë të parë përfaqësuese e populli dhe jo e një subjekti politik, ndaj në mënyrë të njëjtë iu ka bërë thirrje të respektojnë masat e distancimit fizik.