Sindroma Kawasaki, eksperti amerikan: Ende herët që fëmijët të kthehen në shkolla

Një gjendje shëndetësore e panjohur tek fëmijët u raportua pak javë më parë në Evropë. Në New York tashmë ka nisur hetimi ndaj qindra rasteve misterioze të sindromës e cila mendohet se ka lidhje me covid-19.

E njohur si sindroma e sistemit inflamator, ajo prek enët e gjakut dhe organet. Simptomat janë të ngjashme me sëmundjen Kawasaki dhe përfshijnë skuqje, gjëndra të fryra në qafë dhe buzë të thata e të plasaritura.

Tre fëmijë kanë humbur jetën në New York dhe dhjetra po kurohen edhe në  6 shtete evropiane.

Specialisti për sëmundjet infektive, Dr Sunil Sood nga New York shprehet për Euronews se fëmijët nuk duhet të kthehen ende në shkolla.

“Mund të jetë një tregues i mbetur i transmetimit të gjerë të virusit në komunitet, kështu që në këtë pikë unë do të thoja që strehimi në shtëpi duhet të vazhdojë dhe ne nuk do të jemi të gatshëm t’i dërgojmë fëmijët përsëri në grupime, ku ata mund të infektojnë njëri-tjetrin”, shprehet eksperti.

Në Francë në Pediatrinë Robert Debré me sëmundjen Kawasaki cdo vit trajtohen 3 deri në 4 fëmijë, por tashmë po kurohet  një fëmijë në  çdo dy ditë.Edhe nje 15 vjecar eshte  hospitalizuar,

Dhe në Provincën Italiane të Bergamos mjekët kanë ngritur alarmin për një rritje shqetësuese të fëmijëve që po sëmuren.

Një studim i botuar në revistën mjekësore Lancet zbuloi një rritje prej 30 herë më shumë në numrin e rasteve menjëherë pas pandemisë së koronavirus.

Sipas të dhënave të raportuara fëmijët kanë nisur të vuajnë nga sëmundja 6 javë pasi janë infektuar me covid-19.