PS-ja mbledh asamblenë në funksion të Kongresit

Partia Socialiste do të mbledhë asamblenë më 6 prill, 3 ditë para Kongresit. Gazetarja Eksiola Shehu raportoi se mbledhja do të mbahet pasdite dhe do të zhvillohet online.

Në rendin e ditës, ndër të tjera është thirrja e Kongresit dhe miratimi i tij.

Kongresi ishte parashikuar të mbahej në fund të janarit, por u shty për shkak të zgjedhjeve lokale. Nga ai priten ndryshimet në statutin e partisë dhe rezultatet e Këshillimit Kombëtar.

Rendi i mbledhjes:

1. Miratimi i vendimit për thirrjen e Kongresit të Partisë, ditën e Shtunë, datë 09.04.2022, ora 11:00, në Pallatin e Kongreseve në Tiranë.
2. Diskutimi dhe miratimi i Agjendës së punimeve të Kongresit.
3. Miratimi i rendit të ditës së punimeve të Kongresit.
4. Prezantimi i Statutit të ri të partisë që do ti paraqitet Kongresit për votim e miratim.

LEXONI GJITHASHTU:

• Arrestohet ish-deputeti i PS-së Alqi Bllako
• Basha tregon arsyen pse s’mori pjesë në mbledhjen e grupit të PD-së