Arrestohet në spital kreu i njësisë Kallmet, shkëmbeu zjarr me 41-vjeçarin

Policia ka arrestuar kreun e njësisë administrative Kallmet, Besnik Simoni, i cili u plagos me armë zjarri një ditë më parë.

Më herët policia kishte vënë në pranga 41-vjeçarin me të cilin ky i fundit ishte konfliktuar me armë zjarri, pas një sherri të nisur në zyrën e tij.

Burime zyrtare thanë se kreu i njësisë Kallmet në Lezhë dhe 41-vjeçari A.M banues në të njëjtën njësi administrative kanë qëlluar me armë zjarri pistoleta, disa herë, në drejtim të njëri-tjetrit.

Për pasojë ka mbetur i plagosur Besnik Simoni i cili pasi ka marrë ndihmën e parë mjekësore në Spitalin Rajonal Lezhë, është transportuar në Spitalin e Traumës Tiranë, ku ndodhet në gjendje të rëndë shëndetësore.