Zhvillimet në PD, Harxhi: Fituesit me votë, bashkimi çështja kryesore

Anëtarja e Komisionit të Rithemelimit Edith Harxhi, ka dhënë sot një deklaratë për mediat nga Korça, ku ka folur në lidhje me zhvillimet brenda PD-së.

Harxhi tha se vota është ajo që duhet të vendosë fituesit, dhe çdokush ka të drejtë që të jetë pjesë e garës.

“Unë jam shumë dakord me ju që ka nevoje të rifreskohet, rreshti i parë. Do të bëhet se momentalisht jemi ne organizimin e strukturave. Do të duhet punë e madhe të kthejmë besimin ne ato degët me probleme”, tha Harxhi.

Sa i përket kandidimit, Harxhoi theksoi se do jetë në mbështetje të Sali Berishës. Anëtarja e Komisionit të Rikthemelimit foli edhe për mundësinë e kandidimit të Lulzim Bashës për president

“Është e drejtë politike me status, por jo diçka që unë do parapëlqeja personalisht”, u shpreh ajo.

Në fund, Harxhi ironizoi ish-kreun e PD, Lulzim Basha.

“Personalisht e shoh një shaka, pavarësisht se është 2 prill sot”, tha Harxhi.

LEXONI GJITHASHTU:

• Berisha nga Shkodra: Nuk votojmë asnjë kandidat të Ramës për president
• Berisha: Do kem zyrë në PD, partia s’ka kryetar