Prokuroria kërkon konfiskimin pasurive të të dënuarit për trafik droge në Itali

Prokuroria e Fierit ka kërkuar konfiskimin e pasurive të Vangjel Zijaj (Arben Gropa), vlera e të cilave shkon në 800 mijë euro.

Kërkesa e organit të akuzës vjen pas vendimit të Gjykatës së Fierit që e dënoi me 3 vjet e 4 muaj burg me akuzën e pastrimit të parave.

Sipas Prokurorisë, shtetasi Vangjel Zijaj (Arben Gropa) ka ndërtuar një objekt 6 katësh+shtesë e një kati në proces legalizimi në qytetin e Fierit, ku apartamentet janë tjetërsuar nga i pandehuri në formën e kontratave të shitblerjes tek persona të tretë pas vitit 2002, pikërisht pas kryerjes së veprës penale të trafikimit të lëndëve narkotike dhe shfrytëzimit të prostitucionit nga organizata kriminale në shtetin italian për të cilat është dënuar. Këto pasuri janë të pajustifikuara ndaj Prokuroria ka kërkuar konfiskimin  e tyre.

Vangjel Zijaj (Arben Gropa) është dënuar nga autoritetet italiane të drejtësisë me 29 vjet, 05 muaj e 27 dite burgim, për veprat penale në fushën e narkotikëve, nxitje, shfrytëzim e favorizim prostitucioni të kryera nga organizata kriminale.

LEXONI GJITHASHTU:

• 34-vjeçarit me 3 emra i sekuestrohen 2 milionë euro pasuri
• Sekuestrohen mbi 60 mijë euro në Morinë e Kakavijë