Një i vrarë nga të shtënat me armë në autostradën Tiranë-Durrës

Iljaz Cali është vrarë gjatë mbrëmjes së të dielës në autostradën Tiranë-Durrës.

37-vjeçari, banues në Rinas të Ri, është qëlluar me armë zjarri teksa ishte duke drejtuar makinën tip ‘Land Rover’, të cilën e kishte marrë me qira.

Burime nga policia konfirmuan për Euronews Albania se mjeti është shitur nga Hekuran Xhixha në një qendër në Rinas ku jepen automjete me qira.

Aktualisht po hetohet nëse Cali ka qenë vetëm apo jo, pasi dera e pasagjerit është gjetur hapur dhe ka dyshime se mund të ketë qenë i shoqëruar. Në momentin e atentatit ndriçimi i autostradës ka qenë i fikur, ndërsa zona nuk monitorohet nga kamera sigurie.

Për shkak të ngjarjes, lëvizja e automjeteve është devijuar në rrugën dytësore të autostradës Tiranë-Durrës.

Ndërkohë policia ka ngritur postblloqe në disa rrugë për kapjen e autorëve.