Biznesi në vështirësi për profesionist prej emigracionit, thonë ekspertët

Shqipëria vuan për profesionistë, sepse të gjithë kanë mentalitetin se jashtë është “më mirë”.

Ylber Gjeta drejtor i Përgjithshëm i Agjencisë Shqiptare të Punësimit dhe Gjergji Gjika kryetar i shoqatës së fasonistëve thanë se nuk ka profesionistë dhe janë të paktë ata që kërkojnë trajnime për të marrë një zanat.

Sipas Gjikës, problemet dolën më shumë në pah pas tërmetit, pandemisë dhe tani prej krizës ekonomike.

“Sa më ndërtesë të dobët të kesh aq më shumë je i ekspozuar karshi lëkundjeve të tokës,” – tha Gjika.

Ai e cilësoi tragjike largimin e shqiptarëve nga vendi, ndërsa shtoi se kjo ndodh për shkak se vedni është bërë i pabanueshëm.

Me të njëjtin profesion sipas tij, dikush jashtë krijon një jetë shumë të mirë, ndërsa këtu edhe ata që trajnohen dhe janë të zotë, largohen sepse besojnë jashtë është jetë më e mirë.

Nga ana tjetër Gjeta tha se konkretisht për fasoneritë nuk ka shumë kërkesa.

“Jemi në mentalitet një shoqëri dembele sepse edhe një pllakashtrues mund të marrë pagë të kënaqshme, madje më shumë se një jurist i punësuar në shtet,” – tha ai.

LEXONI GJITHASHTU:

• Vetëm 2,2 për qind e studentëve studiojnë për bujqësi dhe veterinari